[邊個話皮膚靚係用錢買番黎?] 教你平價護膚秘訣 – 面部篇

[邊個話皮膚靚係用錢買番黎?] 教你平價護膚秘訣 – 面部篇

小編最近聽到同事係到講緊係韓國訂左幾套面膜千幾蚊好平, 跟住又聽到娘親叫我幫佢開一個$12999既facial 療程, 小編即時心諗: [Money can’t buy everything!], including beauty!!

(娘親幻想中做完facial 既效果既示意圖)

(娘親真實示意圖)

小編就認為要靚係絕對唔洗花費咁多既 (一黎自己就係一個活生生既例子, 二黎唔想比咁多家用)。所以今日就同大家分享幾個Recipe, 等你可以用最天然既材料同最天然既價錢, 去將你既皮膚回復到最天然既狀態。

 

  1. 牛油果菠蘿面膜

材料:

1/2 個成熟牛油果

3 塊小形菠蘿

1/4 個青檸

1湯匙 特級初榨橄欖油

1/2湯匙 蜜糖

1/2茶匙 有機蘋果醋

用法:

1: 將蘋果醋倒落化妝棉到, 主要係用黎清潔乾淨塊面先.

[功效: 蘋果醋除左可以去除多餘既油脂外, 仲可以有助皮膚回到正常既PH 值, 刺激血液循環同埋去除老年斑! ]

貼士: 記住要避開眼袋周圍幼嫩既位置同埋嘴唇, 同埋皮膚比較易敏感既朋友可以先用水溝稀D蘋果醋 (呢個步驟既有機會有輕微紅腫同刺痛既感覺, 不過都屬於正常, 唔洗擔心)

2: 將牛油果同菠蘿放入搞拌機搞匀, 直到你見唔到有任何粗粒同埋夠smooth 為止, 之後加入新鮮既青檸汁, 橄欖油同蜜糖, 然之後用义搞拌好。 Mask 完成!

3: 將搞好既mask 用手或者化妝棉敷上塊面到, 敷大約十分鐘左右。

*4. [Bonus, 可選擇參考] 敷完之後, 先唔好急住去洗面, 用乾淨既棉去除大部份既mask, 只需要留低薄薄一層既layer 係到。 同時間, 大家可以去煲一煲熱水, 幫塊面做一個迷你sauna: 4.1. 當你feel 到水煲水滾既時候, 立即將佢由底座上面移開 ( 以免蒸汽太熱而傷害到皮膚), 將塊面停係一個蒸汽吹到既地方

Tips: 可以用面巾整一個帳篷仔放係頭上面, 將蒸汽trap 住係入面做一個面部sauna, 等待3分鐘, 最後先用暖水清洗。

 

2. 蜂蜜士多啤梨 mask

以下落黎呢一個會用到少D既材料同埋功夫準備, 當然效果都唔輸比上一個牛油果mask 啦!

材料:

4 粒中型士多啤梨

1茶匙蜂蜜              

做法:

將士多啤梨用义壓成蓉,之後加上蜂蜜。

敷10 – 15 分鐘, 再用濕既毛巾抺走

功效: 士多啤梨有豐富既維他命C, 除左可以亮澤你面部既皮膚外, 仲可以抗皺紋, 內含既水楊酸仲可以去黑頭同去角質!

 

今期教左大家兩個自家製面膜, 如果想學識自製護髲產品既話, 記住留意我地下期既So4U 同埋like 番我地個facebook page 啦muah!

Search